Мындай пикирин Коррупцияга каршы күрөшүү кыймылынын жетекчиси Назарбек Нышанов “Азаттыкка” билдирди. Ал бүгүнкү күндө массалык маалымат каражаттары кимдир бирөөнүн колуна өтүп, монополияга айланып баратат деген оюн айтты. Ошол себептүү Н.Нышанов да УТРК кызматкерлери менен ачкачылык акциясына чыккан. Ал эми “Добуш” берүүсүнүн редактору Шайыр Абдыракманов талаптары аткарылмайынча ачкачылык акциясы улана берээрин ырастады. Улуттук телеканалдын беш кызматкери бүгүн ачкачылык акциясын баштаган. Алар президенттик администрация башчысы Медет Садыркуловдун жана УТРКнын жетекчиси Мелис Эшимкановдун кызматтан кетүүсүн талап кылышууда. (КЕ)
