Иракта “төңкөрүш жасаганга аракет кылган” деп шектелген 20 ашуун киши кармалды. Алар өлкөнүн Ички иштер жана Коргоо министрликтеринин расмий өкүлдөрү экени кабарланууда. Батыштагы маалымат агенттиктери аты аталбаган ирактык коопсуздук кызматынын өкүлүнө шилтеме жасап, камалгандар Ал-Адва деген топ менен байланышы бар деп жазып чыгышты. Бул топ Саддам Хусейндин жетекчилигиндеги акыркы жылдары иштеген Баас партиясын кайра жаратууга аракет кылган деп айыпталууда.
