Гезиттин башкы редактору Бермет Букашеванын билдирүүсүнө караганда, гезиттин 18-декабрдагы санында өзбек оппозициясынын лидери Мухаммед Салих жөнүндө макала жана анын президент Ислам Каримовго ачык каты жарыяланган. Мына ошондон кийин эл аралык байланыштан таң калыштуу телефон чалуулар болуп, анда редакторго эскертүүлөр, нааразылыктар, коркутууулар билдирилген. Бермет Букашеванын айтымында, кыргыз бийлиги өз жарандарын коргоого тийиш. Бул маселе Алишер Саиповдун тагдырынан кийин өзгөчө кооптуу болуп турат.(AiT)
