Тегеранда Нобелдин Тынчтык сыйлыгынын лауреаты Ширин Эбади жетектеген укук коргоо борбору жабылды. Борбордун жетекчисинин орун басары Наржес Мохаммадинин айтымында, Иран полициясы аларды кеңседен күч менен чыгарган. Мохаммади бийликтин аракеттерин мыйзамсыз деп атап, сынга алды. Кабарларга караганда, укук коргоочулар Адам укугунун Декларациясынын 60-жылдыгын белгилөөгө даярданып жаткан. Бул үчүн кеңсеге үч жүзгө жакын конок чакырылган.
