Мындай билдирүү Бириккен элдик кыймылдын жобосунда жазылган. Кыймылдын мүчөлөрү келечекте мамлекеттик саясий системаны өзгөртүү, таза, ыймандуу, адам укугун ыйык сактап эл үчүн кызмат кылган жоопкерчиликтүү бийликти орнотууну колдошот. Ошондой эле жободо улуттук мааниси бар стратегиялык обьектилерди (Бишкек жылуулук электр борбору, Бишкек жылуулук тармагы, Түндүк электро акционердик коому, Кыргызалтын, Кыргызтелеком, Кыргызпочтасы, Кыргыз темир жолу, “Манас” аэропорту, алтын ж.б. кен байлыктар) элдин жалпы менчигинде сактап калуу жана өлкөнүн өнүгүшүнө ыңгайлуу шарт түзүү зарылчылыгы айтылган. (КЕ)
