Жыйында кыймылдын 2009-жылдын январь-февраль айларына карата иш планы талкууланды. Мындан сырткары, оппозициянын бүгүнкү жыйынында кыймылга кирген партиялар менен кыймылдар Улуттук кеңештин мүчөлүгүнө сунуштаган талапкерлер талкууланып, Элдик революциялык кыймылдын Улуттук кеңешинин төрагасы Азимбек Бекназаровдун сунушу менен кеңештин курамына коомдук ишмер катары Ишенбай Кадырбеков, Үсөн Сыдыков жана Топчубек Тургуналиевдер киришти. Бул тууралуу Бирдиктүү элдик кыймылдын басма-сөз кызматы билдирди. Ал эми Үсөн Сыдыков анын кеңешмеге мүчө болуп киргендиги тууралуу маалыматты четке кагууда. (MSu)
