Мындай кайрылуу жакында Мамлекеттик Архив агенттигинде өткөн илимий-практикалык конференцияда кабыл алынды. Мамлекеттик архив тараткан маалыматка караганда илимий чыгармачыл топ кыргыздын 15 томдук жаңы тарыхын жазуу демилгесин көтөрүп жатат. Бул демилге Борбор Азия жана Кавказ мамлекеттеринин өз тарыхын басып чыгаргандыгы менен негизделген. Кайрылуу президент Курманбек Бакиевге, парламент төрагасы Айтибай Тагаевге, премьер-министр Игорь Чудиновго жолдонуп, ага Олжобай Каратаев, Кусейин Исаев, Акылбек Жуманалиев, Бакыт Бешимов, Чолпонбек Абыкеев, Омор Сооронов баштаган окумуштуулар, адабий ишмерлер кол коюшкан. (BuS)
