Улуттар уюмунун Коопсуздук кеңеши Газага чабуулдарды тезинен токтотууга чакырды. Газадагы кырдаалга тынчсыздануусу билдирген Улуттар уюму Израилди да, Палестинаны да зордук-зобунду токтотууга үндөдү. Коопсуздук кеңеш Газадагы кырдаал боюнча чукул жыйын өткөргөн. Палестина жетекчилигинин айтымында, Израилдин чабуулдарынан Газада 271 адам набыт болду. Бүгүн да израилдик согуш учактары абадан сокку урушууда. Алты адам өлгөнү кабарланууда.
