Бүгүн Орусия менен Украинанын энергетика тармагынын жетекчилери Киевдин Москвага болгон газ карызын талкуулары күтүлүүдө. Орусиянын премьер-министри Владимир Путин кечээ телефон аркылуу Украинанын президенти Виктор Ющенко менен сүйлөшкөнүн, бирок Украина карызын төлөгүсү келбегендиктен тараптар макулдашууга жетишпегенин билдирди. Орусиянын газ монополисти “Газпром” эгерде Украинанын “Нафтогаз” компаниясы 2 миллиард доллар карызын төлөбөсө, 1-январдан тарта Украинага газ берүүсүн токтоторун билдирүүдө.