Мындай маалыматты облустук ички иштер башкармалыгынын маалымат кызматынан 30-декабрда «Азаттыкка» билдиришти. Кадамжай районунун Үч-Коргон айылынан Чабай айылына бараткан менчик ПАЗ-672 үлгүсүндөгү автобуста тойдон кайтышкан 38 адам болгон. Валакыш айылында автобус бузулуп, айдоочу оңдоп жаткан мезгилде жүрүп кетип аңга түшкөн. Кырсык болгон жерде каза болгондордун бирөөсү Чабай айыл өкмөтүнүн башчысы Набатбүбү Аназарова. Бул окуя боюнча ички иштер кызматкерлери иликтөө иштерин жүргүзүп жатышат. (JA)
