Бүгүн алар Манас районундагы Покровка айылында жергиликтүү калк менен жолугушту. Партиянын басма сөз кызматы кабарлагандай ага 500 чакты адам катышты. Жолугушууда карапайым эл партия лидерлерине өлкөдөгү саясий кырдаал, кымбатчылык себептери жана энергетикалык кризис тууралуу суроолорду узатышты. Учурда партиянын райондук конференциясы Карабуурада өтүп жатат. Азаттыктын дубандагы кабарчысынын маалымдашынча анда тартип коргоо органдары тарабынан бут тосуулар орун алууда. “Ата Мекен” лидердери менен бирге бул жолугуушууларга ЖКнын Социал-демократтар фракциясынан депутат Роза Отунбаева жана бир катар көз карандысыз укук коргоочулар да катышуу алып жүргөндүгү кабарланууда. (EK)
