Элдешүү тууралуу кечээ алгач Израил, кечке жуук Хамас тобу жарыялаган эле. Вашингтон тараптар согуштук аракеттерди чукул арада токтоторуна үмүт артарын билдирди. Израил Газа тилкесинен өз күчтөрүн чыгара баштаганын жарыялады. Хамастын лидери Исмаил Хания болсо палестиндер Израил менен согушта “чоң жеңишке” жетишкенин айтты. Батыш дипломаттарынын баамында, Газа тилкесиндеги инфраструктураны калыбына келтирүү үчүн бир жарым миллиард доллардан ашуун каражат талап кылынат.
