Ооганстандагы оор кырдаал үчүн жоопкерчиликти бийлик гана эмес, эл аралык өнөктөштөр дагы алышы керек. Бул тууралуу Ооганстандын Тышкы иштер министрлиги НАТОнун баш катчысынын сөзүнө жооп ирээтинде билдирди. НАТОнун баш катчысы Яап де Хооп Схеффер “Вашингтон Пост” гезитине берген маегинде ооган өкмөтүн коррупция менен күрөшө албай жатат деп айыптаган. НАТОнун баш катчысы буга себеп – бийликтеги начар башкаруу болгонун билдирген.
