Мындай пикирин “Ата Мекен” партиясынын жаш лидери Жоомарт Сапарбаев “Азаттыктагы” маегинде билдирди. Шайлоого карата даярдыкты бийликтин массалык маалымат каражаттарына жасаган азыркы кысымдарынан да көрсө болоорун кошумчалады. Жаш саясатчынын пикиринде, президенттин айланасындагы аткаминерлер жакшы иштери менен элге тааныла алган жок. Ошондуктан президент Курманбек Бакиев башка жетишкендиктери дээрлик болбогондуктан келерки шайлоодо иштей албаган аткаминерлерди кетиргенин жүйө катары айтышы ыктымал, дейт Ж. Сапарбаев. (EBM)
