Бул максатта Турсунбек Акун жума башынан тарта оппозиция лидерлери Өмүрбек Текебаев, Азимбек Бекназаров жана Аликбек Жекшенкулов менен жолугушуп, сүйлөшүүгө аракеттенет. Бийлик тараптан зарыл кадамдарды мамлекеттик катчы Досбол Нур уулу да жасамакчы. Турсунбек Акундун айтымында, анын мындай аракети президент тарабынан колдоого алынып, Мамлекеттик катчыны ага катыштыруу сунушталган. Акыйкатчы ошондой эле оппозиция лидерлерине каршы козголгон кылмыш иштер менен таанышып, аларга карата өз пикирин билдирмекчи.(AiT)
