“Ата-Мекен ” партиясынын жаштар канатынын лидери Жоомарт Сапарбаев мындай пикирин “Азаттыкка” билдирди. Анын баамында, президент жаштар менен чогуу иштегиси келсе мындай саясатын төрт жыл мурун 24-марттан кийин эле баштамак. Курманбек Бакиев өлкөнү башкарып турган чакта жакшы жетишкендиктер болгон жок. Абалдын оңолушу үчүн жаштарды тартуу аздык кылат, ал үчүн азыркы орой система өзгөрүшү керек. Ошол эле бийликке келген жаштар мындай системада бир үй-бүлөнүн гана буйруктарын аткарууга жарайт, дейт Ж. Сапарбаев. (EBM)
