Украинада президент Виктор Ющенко Орусия менен кабыл алынган газ келишимин сындап, бирок баары бир колдой турганын билдирди. Ющенко кечээ сыналгы аркылуу элге кайрылуусунда анын саясий оппоненти, премьер-министр Юлия Тимошенко Орусия менен кол койгон газ келишими Украинага кымбатка тураарын, өлкөдөгү экономикалык абалды андан бетер курчута турганын айткан. Ал, ошондой эле, 2009-жылдын бюджети боюнча мыйзамды сындап, Тимошенконун кабинетине жаңысын сунуш кылууну айтты. Тимошенко болсо президенттин кайрылуусун «жалган менен аралашкан долулук, коркок дүрбөлөң» деп атады.
