Пан Ги Мун Исламабадда экс-премьер Беназир Бхуттонун өлтүрүлүшүн иликтөө үчүн БУУнун атайын комиссиясын түзүүнү талкуулайт деп кабарланууда. Анын алдында Пан Ги Мун Ооганстанда болгон. Ал Кабулда президент Карзай менен жолугушкандан кийин, Ооганстан үстүбүздөгү жылы ал жетектеген уюмдун приоритеттик өлкөсү болот деп жарыялады. Кечээ Бириккен Улуттар уюму Ооганстанда былтыр мурдагы жылдагыдан 40 пайызга көп карапайым ооган өлтүрүлгөндүгүн жарыялаган эле.
