Линктер

logo-print
жекшемби, 04-декабрь, 2016 Бишкек убактысы 12:02

А.Атамбаев Туркияда операция жасатып келди


Социал-демократиялык партиянын лидери Алмазбек Атамбаевдин “Лица” гезитине берген интервьюсунда билдирүүсүнө караганда, ал өткөн жылы декабрь айында Түркияда операция жасатып келген. Атамбаевдин айтымында, 2007-жылы өкмөт башында турган мезгилде ал ууландырылган. Мына ошонун айынан ашказан менен көкүрөк ортосундагы диафрагмага операция жасатууга мажбур болгон жана декабрь айынын ортосунда Түркияда тийиштүү операция жасалды. Мына ошондуктан ден-соолугуна байланыштуу акыркы мезгилдерде саясатка активдүү аралашпай келатат. Дарыгерлердин кеңешине ылайык саясатчы дагы бир-бир жарым ай абайлап жүрүүгө тийиш. “Азыркы мезгилде ден-соолугум жакшыруу жолуна түштү”,-деп белгилеген Атамбаев.
2007-жылы 22-майда Алмазбек Атамбаев ага алып келген суудан ууланганын билдирген. Улуттук коопсуздук боюнча мамлекеттик комитет кылмыш ишин козгоп, тергөө ишин жүргүзгөн. Бирок окуяга тиешеси бар киши аныкталган эмес. (AiT)

Азаттык Фейсбукта

XS
SM
MD
LG