Коопсуздук кеңешинин отурумунда президент Курманбек Бакиев улуттук коопсуздук Концепциясынын негизги бөлүктөрүн белгиледи. Алар: экологиялык жана маалымат коопсуздугу, суунун аздыгына байланыштуу суу-энергетикалык көйгөйлөр, социалдык көйгөйлөргө байланыштуу ички карама-каршылык, динчилдиктин өсүүсү. Өлкө башчысы ошондой эле улуттук коопсуздук Концепциясы буга чейин 2001-жылы кабыл алынганына токтолуп, андан бери дүйнөдө өзгөрүүлөр болгонун, 11-сентябрдагы АКШдагы окуя, Баткен окуясынын кесепеттерин да эске салып кетти. (AJ)
