Өткөн жылы Кыргызстандын тартип коргоо кызматкерлерине каршы 58 кылмыш иши козголгон. Мындай маалымат Акыйкатчынын “Адам укуктары менен эркиндиктеринин 2008-жылдагы абалы” деген жылдык докладында айтылып, тартип коргоо органдарында адам укуктарын сактоо мыйзамдарын аткаруу эң начар абалда деп баа берилген. Акыйкатчынын иликтөөсү боюнча ага тартип коргоо орган өкүлдөрүнүн адамдын кол тийбестик укугун, тергөө нормаларын бузуп, кызмат абалдарын кыянаттык менен пайдалануулары, кылмыштарга көз жуумп, жарандардын арыздарын албай коюу фактылары далил.(BD)
