Мындай пикирин Баткен облусунун Тажикстандын Согду облусундагы атайын өкүлү Жолдош Сатыбалдиев 24-февралда «Азаттыкка» билдирди. Анын айтымында, Баткен районунун Таш-Тумшук айылынын тургундары жашоо шарттын оордугунан жана кошуна жашаган тажик атуулдары тараптан кысымчылыкка алынып жаткандыктан акыркы айларда бул айылда үй-жайын тажик атуулдарына сатып кеткендер улам көбөйө баштады. Эгер кыргыз өкмөтү аталган айылда иштиктүү чараларды көрбөсө, Таш-Тумшук айылы толугу менен эле тажиктерге өтүп кетиши мүмкүн деп кошумчалайт Жолдош Сатыбалдиев. Аталган айылда расмий түрдө 110 кожолук катталган.(JsA)
