Аталган коммунисттик мамлекеттин борбордук басма сөз агенттигинин билдиргени боюнча, байланыш жандоочусун космостук мейкиндикке чыгаруу жаатындагы даярдыктар аяктоо алдында турат. Билдирүүдө жасалма жандоочу качан учурулаар айтылган эмес. Бул жарыя Түндүк Кореянын алыска ата турган баллистикалык ракеталарды сынаганы жатканы тууралуу маалыматтардан кийин жасалды. Серепчилердин айтымында, буга чейин Түндүк Корея космонавтика терминин жөн гана баллистикалык ракета сынагын жаап-жашыруу үчүн колдонуп келген.
