Египеттин Шарм эш-Шейх курорт жайында бүгүн башталган Палестинанын Газа тилкесине көмөк көрсөтүүгө арналган демөөрчүлөрдүн бир күндүк жыйынында чыгып сүйлөп, АКШнын Мамлекеттик катчысы Хиллари Клинтон Газа тилкесине жардам маселеси жалпы эле Палестина менен Израилдин тынчтык жараяны маселесинин бир бөлүгү болушу керектигин айтты. Клинтон Газа тилкесине АКШдан 900 миллион доллардык жардам көрсөтүлөөрүн, ал каражат Хамас тобуна тийбей тургандай бар арга жасалаарын кошумчалады.
