Парламенттин мамлекеттик түзүлүш жана конституциялык мыйзамдуулук, коргонуу, коопсуздук жана соттук реформалар боюнча комитети Манас аба майданына аскер жайгаштыруу боюнча 11 өлкө менен түзүлгөн келишимди жокко чыгаруу боюнча өкмөттүн сунушун бүгүн карап, аны колдоп берди. АКШ менен кошо Манас аба майданына аскер жайгаштыруу боюнча Түштүк Корея, Түркия жана тогуз Европалык мамлекет Кыргызстан менен келишимге 2001-жылы жетишкен болчу. АКШ менен болгон келишимди парламент өткөн айда жокко чыгарган. Бул тууралуу парламенттин маалымат кызматынан кабарлашты.(AiT)
