Бул тууралуу республикалык наркология борборунун жетекчиси Жылдыз Бакирова журналисттерге маалымдады. Анын айтуусунда жыл өткөн сайын түрдүү оорулардын айынан баңзат колдонгондор көбөйүүдө. “Бизге кайрылгандардын көпчүлүгү 32 жаштан өйдө курактагылар. Сүйлөшүү учурунда алар баңзатты он жылдан ашык убакыттан бери колдонуп келе жатышканы аныкталат,” дейт нарколог. Республикалык наркология борборунун маалыматы боюнча бүгүнкү күнү баңзат пайдалангандардын саны 26 миңге жетти. Алардын ичинен 86% ашууну эркектер, 13% ашууну аялдар. Баңзат колдонгондордун орточо курагы 22 жашты түзөт.(ZKo)
