Бүгүн Кыргызстандагы укук коргоочу бир топ бейөкмөт уюмдар президентке кайрылуу жиберишти. Анда алар “өлкөдө адамдардын себепсиз жоголуп жатканына, саясатчылардын киши колдуу болуп жатышына, журналисттерди сабап кетүүлөргө, шектүү себептер менен массалык түрдө оппозициянын лидерлерине жана алардын үй-бүлө мүчөлөрүнө каршы кылмыш иштеринин козголушуна, динге ишенгендерге каршы массалык репрессияга тынчсызданып жатышканын” айтышкан. Мунун баарын “жеке көзөмөлүнө алам” деген ички иштер министри Молдомуса Конгантиевдин убадасына карабай, ал иштер дале ачыла элек, делет билдирүүдө. Андыктан алар президенттен министрди кызматтан алышын талап кылышууда. (TD)
