Ирандын президенти Махмуд Ахмединежад Иранга каршы санкцияларды “жаш баланын кылыгы” жана “чоң ката” деп баалады. Ахмединежад муну АКШнын президенти Барак Обама Иранды дале АКШнын коопсуздугуна коркунуч келтирет деп, Тегеранга каршы санкциялардын мөөнөтүн дагы бир жылга узарткандан кийин айтты. Кошмо Штаттар Иранга каршы санкцияларын алгач 1995-жылы киргизген. Ага ылайык, Американын компаниялары Ирандын мунай өндүрүшүнө инвестиция сала алышпайт.
