Ирандын мурдагы президенти Мохаммад Хатами 12-июнга белгиленген президенттик шайлоого катышпайт. Бул тууралуу Хатами тараткан билдирүүдө айтылат. Хатами өз билдирүүсүндө реформачылардын ортосунда ажырым пайда болбошу үчүн ушундай кадамга барганын белгиледи. Мохаммад Хатаминин баамында, башка реформачы, өлкөнүн мурдагы премьер-министри Мир Хоссейн Мусави эскичил көз караштагы шайлоочулардын көбүрөөк добушуна ээ боло алат.
