Ооганстандын түштүгүндөгү Кандагар вилайетинде козголоңчулардын буктурмасына кабылган төрт полициячы набыт болду. Ушул эле вилайетте ооган аскерлери менен коалиция күчтөрүнүн биргелешип өткөргөн аскердик өнөктүк маалында жети согушкер өлтүрүлүп, үчөө камакка алынды. Ал аралыкта австралиялык аскер командачылык дүйшөмбү күнү Урузган вилайетинде согушкерлердин кол салуусунан австралиялык бир жоокер мерт болгонун кабарлашты.
