“Ак жол” фракциясынын бүгүнкү жыйынында фракциянын лидери Улукбек Ормонов 13-мартта Койташ айылына жакын жерде болгон жол кырсыгын иликтөө боюнча депутаттык комиссия түзүүнү сунуштады. “Ак жол” фракциясынан комиссиянын курамына Чолпон Абдуллаева, Галина Куликова, Зайнидин Курманов, Рашид Тагаев жана Азизбек Турсунбаев сунушталды. Фракцияда кабыл алынган бул чечим парламенттин кароосуна коюлмакчы. Коммунисттик жана Социал-демократиялык фракциялар үчүн комиссия эшиги ачык.(AiT)
