Алайдын борбору Гүлчөгө чогулган эл беш күндүн ичинде Исмаил Исаковго козголгон кылмыш иштери токтотулуп, соттон акталып чыгышын талап кылышты. Талаптар аткарылбаса Бишкеке аттанып, ачкачылык акция башташаарын эскертишти. Гүлчөдө миңдей адам катышкан жыйын аяктады. Атчан көчө кыдырууну каалаган нааразылык акциянын катышуучуларын милиция кызматкерлери араң токтотуп турганын “Азаттыктын” кабарчысы Жанарбек Акаев билдирди. (EBM)
