Ошол эле учурда Орусиянын Тышкы иштер министринин орун басары Алексей Бородавкин, бул маселенин айланасында чуу көтөрүүнүн кажети жоктугун баса белгиледи. Пхеньяндын апрелдин башына белгиленген баллистикалык ракета сынагына АКШ, Жапония жана Түштүк Корея кескин каршы чыгып келатат. Бул мамлекеттердин өкүлдөрү бүгүн бул маселени талкуулоо үчүн Вашингтондо чогулушмакчы. Ырасмий Пхеньян буга чейин жөн гана байланышты камсыздоочу жердин жасалма жандоочун учурууну пландап жатканын айтып келген.
