Линктер

бейшемби, 8-декабрь, 2016 Бишкек убактысы 08:09

С.Бапышев: Талас бийлиги саясий куугунтугун баштады


БЭКтин Таластагы мүчөсү Сатканкул Бапышев Конституциялык укугу тебеленип, ага карата жергиликтүү бийлик жана тартип коргоо кызматы кысым көрсөтүп, саясий куугунтукка алганын “Азаттыкка” билдирди. Анын айтымында, 25-26-мартта Кара Буура райондук ички иштер бөлүмүнүн кызматкерлери аны үйүндө камоого аракет кылып, 27-мартта болуучу митингге катыштырбоону көздөшкөн. “Жергиликтүү бийликтин кысымына карбай нааразылык акциясына катышып, азыркы өлкөдөгү абалга өз көз карашымды билдирдим. Жергиликтүү бийлик, милиция кызматкерлери үй-бүлөмө дагы кысым көрсөтүүдө”,-дейт Бапышев. Ал укугун коргоп берүү өтүнүчү менен Акыйкатчыга кат жолдоорун маалымдады. Бул маселе боюнча Кара-Буура райондук администрациясынан жана ички иштер бөлүмүнөн жооп алууга мүмкүнчүлүк болгон жок . (AJ)

Азаттык Фейсбукта

XS
SM
MD
LG