Бүгүн Владимир Путиндин бейөкмөт уюмдардын лидерлери менен жолугушуусу күтүлүүдө. Бул жолугушуу Москвада таанымал укук коргоочу жана Кремлдин сынчысы сабалгандан эки күндөн кийин өтүүдө. «Адам укугу үчүн» деген кыймылдын лидери Лев Пономаревду 31-март күнү кечинде Москвадагы үйүнүн жанынан токмоктоп кетишкен эле. “Хьюман Райтс Уочт” уюмунун жергиликтүү бөлүмүнүн башчысы Татьяна Локшинанын айтымында, бул окуя Орусияда жарандык коом иштеп жаткан шарттар кабыл алынгыс экенин көргөзүүдө.
