Кечээги добуш берүүдө украин парламентиндеги 450 депутаттын 401и шайлоону ушул жылдын 25-октябрына белгилөө сунушун колдошту. Мурдараак шайлоо 2010-жылдын январында, президент Виктор Ющенконун кызмат мөөнөтү аяктаганда өтөт деп болжолдонгон. Бирок президенттин негизги саясий атаандашы премьер-министр Юлия Тимошенко жана оппозиция каржылык кризис шартында добуш берүүнү эрте өткөрүүгө үндөшкөн. Ющенко парламенттин чечимине макул эместигин билдирип, Конституциялык сотко кайрылат деп күтүлүүдө.
