Билимди баалоо жана окутуу усулдары борборунун адиси Мээрим Кадырованын “Азаттыкка” маалымдашынча, тестирлөө жылдагыдай эле 20-майдан кийин башталат. М. Кадырованын айтымында, быйылкы тестирлөөдө бир катар өзгөрүүлөр кирген, маселен каттоо баракчасы балдарга ылайыкташтырылып жөнөкөйлөштүрүлгөн. Кыргызстанда жалпы республикалык тестирлөө 2002-жылдан тарта жүргүзүлүп келет жана анда жогорку упай алгандар үчүн мамлекеттик окуу жайларда акысыз билим алуу мүмкүнчүлүгү бар. (EBM)