Балыкчы шаардык кеңешинин депутаттары 77 млн. 802 миң сом менен шаардын бюджетин кабыл алды. Бул өткөн жылдан 16 млн. сомго көп.Шаардык кеңештин төрагасы А.Жаликовдун айтуусунда, бюджеттин негизги булагы сатуудан түшкөн салык жыйымдары болот. Ал муниципиалдык жерлерди ижарага берүү же сатуудан түшөт. 78 млнго жакын каражаттын 45 пайызы элге билим берүү тармагына жумшалып, жалпы бюджеттин 30 млнго жакыны республикадан каржыланат. (RB)
