Башкы прокуратура тууралуу мыйзам долбоорун кабыл алууга каршы болгон социал-демократтар демократиянын жоболоруна каршы келет, тоталитардык системага алып барат, деп белгилешти. Депутат Бакыт Бешимов прокуратура кызматкерлери 400 долларга галстук тагынып, кымбат баалуу сааттарды тагынып, 100 миң долларлык автомобилдерди айдап жүрүшкөндүгүн белгилеп, көзөмөл органындагы коррупцияны ооздуктоого чакырды. Ал эми Баш прокурордун 1-орун басары Сумар Насиза Башкы прокуратура тууралуу 1998-жылы кабыл алынган мыйзам эскиргенин айтып, жаңы Конституцияга ылайык Башкы прокуратура борбордук орган болуп калды, ошондуктан, прокуратуранын укугу тууралуу мыйзам долбоорун кайра карап чыгууга мезгил жетти, деп билдирди.(ZKo)
