Бул тууралуу ЖК депутаты, социал-демократтар фракциясынын жетекчиси Бакыт Бешимов өзүнө келген телеграммага таянып, ЖК отурумунда билдирди. Анын айтуусунда жумушчулар комбинаттын социалдык обьекттери сатыкка коюлуп жатканына нааразы. Депутаттын маалыматы боюнча 100гө чукул жумушчулар комбинатка тиешелүү “Металлург” маданият үйүнүн жанына чогулуп атышат. Депутат жумушчулар менен жолугушуп, бул маселени чечүүнү сунуштады. Ошондой эле Бакыт Бешимов Кадамжай сурма комбинат жумушчуларынын кайрылуусун президентке жана өкмөт башчыга жолдогонун кошумчалады.(ZKo)
