Орусия НАТОго Грузияда өткөрүүнү пландаштырып жаткан аскердик машыгууларынан баш тартып же убактылуу токтото туруу өтүнүчү менен кайрылды. 6-майдан 1-июнга чейин өткөрүлөрү белгиленип жаткан машыгуулар бул аймактагы кырдаалды оорлотот, деп билдирди Орусиянын тышкы иштер министри Сергей Лавров. НАТОнун басма сөз өкүлү бул машыгуулар тактикалык мүнөздө өтөрүн, танк өңдүү оор аскердик куралдар колдонулбарын эскертти. НАТОнун “Тынчтык үчүн өнөктөштүк” деп аталган программасынын алкагында өтөрү белгиленип жаткан машыгууларга 19 өлкөдөн 1300 жоокер катышары күтүлүүдө.
