Аламүдүн районундагы курултайга 10 миңге чейин элдин катышуусу күтүлүүдө, деп билдирди “Ата Мекен” партиясынын лидери Өмүрбек Текебаев “Азаттыкка”. Курултайда БЭКтин атынан президенттикке талапкер болуп көрсөтүлгөн Алмазбек Атамбаев эл тарабынан президенттикке дагы бир ирет көрсөтүлмөкчү. “Ата Мекен” партиясы менен Социал-демократиялык партиянын биригүү маселесине токтолгон Өмүрбек Текебаев, ал келечектин иши экендигин белгиледи. Анын айтымында, эки партия идеологиясы боюнча жакын партиялар. Негизи келечекте партиялар күчтүү болуш үчүн биригүүгө тийиш. Бул парламентаризимдин, демократиянын өнүгүүсүнө шарт түзөт.(AiT)
