Президенттин маалымат кызматынын билдирүүсүнө караганда, жолугушуу жакынкы күндөрдө болушу күтүлүүдө. Ал эми “Кылым шамы” уюмунун лидери Азиза Абдырасулованын билдирүүсүнө караганда, президент менен жолугушууга адам укугун коргоо багытындагы эмес, социалдык багытта иштеген өкмөттүк эмес уюмдар гана чакырылууда. Абдырасулованын айтымында, негизи президент менен жолугушуу демилгесин адам укугун коргоо багытындагы өкмөттүк эмес уюмдар көтөрүшкөн. Бирок президенттин катчылыгы ал жолугушууларда бериле турган суроолорду, көтөрүлө турган маселелерди алдын-ала тактоону талап кылгандыктан, алар жолугушуудан баш тартышкан. (AiT)
