Бул партия болгон эмес, анда өз бийлигин, байлыгын сактап калууга аракет кылган адамдардын тобу гана уюшулуп алышкан. Кыргыз эли муну ошол партия түзүлгөн күнү эле түшүнгөн. Кыргызстандагы демократиянын, сөз эркиндигинин басылышына, жарандардын кызыкчылыгы корголбой, бир үй-бүлөнүн үстөмдүгү күч алышына дал ошол “Ак жол” партиясын түзгөн кишилер күнөөлүү, анткени бул партия Кыргызстандын экономикалык жактан өсүшүнө, келечегине балта чапкан партия. Андан көрө “Акжолду” түптөгөндөрдүн баары бүгүн чындыкты мойнуна алып, элден кечирим сурашы керек, дейт Азимбек Бекназаров.(ZKo)
А. Бекназаров: “Ак жол” партиясы Бакиевдин үй-бүлөлүк башкаруу бийлигин күчтөндүрүп берүү максатында түзүлгөн
