Ооганстандын Ички иштер министрлигинин маалыматына караганда, кечээ Вардак вилаятында жол боюна коюлган бомбаларга кабылып үч полициячы набыт болуп, экөө оор жаракат алышкан. Ишемби күнү өлкөнүн түштүгүндөгү Хост шаарында да ушундай эле жол боюна коюлган бомбадан үч полициячы мерт болгон. Ооган бийликтери бул чабуулдарды талиптер уюштуруп жатканын айтышып, аларга каршы күрөштү күчөтүшөөрүн билдиришүүдө.
