Азия Өнүгүү банкы аймактагы өлкөлөрдү глобалдык кризиске жооп ирээтинде экономикаларын фундаменталдык түрдө кайрадан “тең салмактоого” чакырды. Банктын президенти Харухико Куроданын айтымында, Азиянын экономикасы быйыл 3,4 пайыз гана өсөт, бирок келерки жылы өсүш алты пайызга чыгаары күтүлүүдө. Азия Өнүгүү банкынын президенти бул тууралуу Индонезиянын Бали аралындагы банктын Директорлор кеңешинин жылдык жыйынынын ачылышында сүйлөгөн учурунда билдирди.
