Демилгелүү топтун мүчөсү Чыңгызбек Кудайназаровдун «Азаттыкка» айтымында, түштүк борбордун Төлөйкөн, Батыш, СМУТТ шаарчаларынын 600 чакты жашоочусу алдыдагы президенттик шайлоодо өнөр жай, айыл чарба кызматкерлеринин жана аз камсыз болгон үй-бүлөлөрдүн кызыкчылыгын коргоо партиясынын төрагасы Акбаралы Айтикеевдин талапкерлигин бир добуштан колдоого алууга чакырып, кайрылуу кабыл алышып, шаардын элине тарата башташты. Борбордук шайлоо комиссиясынын мүчөсү Абдыжапар Бегматов талапкер Акбаралы Айтикеевдин тарапкерлеринин эл арасында минтип үндөө таратып жатканы азырынча мыйзамсыз экенин эскертти. (ATo)
