Бул тууралуу “Азаттыкка” “Жарандык коом коррупцияга каршы” укук борборунун башчысы Төлөкан Исмаилова билдирди. Анын айтымында алты бейөкмөт уюмдун башын кошкон бирикме учурда таза шайлоону камсыздоо максатында узак жана кыска мөөнөттүү байкоо жүргүзүүнүн камылгаларын көрүп, бул багытта БШК менен кеп-кеңеш жүргүзүп жатат. Ошондой эле “Демократия жана жарандык коом үчүн” коалициясы конференция уюштуруп, күн тартибине жарандардын шайлоого катышуу укугун коюуда. (BuS)
