Линктер

logo-print
ишемби, 03-декабрь, 2016 Бишкек убактысы 10:44

Коалиция маселеси боюнча Атамбаев "Ар-намыска" жооп бере элек


Бул тууралуу "Азаттыкка" "Ар-намыс" фракциясынын башчысы Феликс Кулов билдирди. Анын айтымында, өкмөт башчы Алмазбек Атамбаев бул аптада Түркияда, андан соң Ошто иш сапары менен болуп, "Ар-намыстын" коалицияга кирүүдөгү талаптары менен толук тааныша элек. Натыйжада коалиция маселеси боюнча сүйлөшүүлөр келе жаткан аптада уланышы мүмкүн.

20-апрелде “Ар-намыстын” лидери Феликс Кулов өкмөт башчы Алмазбек Атамбаев менен жолугушуп, кеңири коалиция түзүүнүн жолдорун жана талаптарын сунуштаган.

“Ар-намыс” фракциясынан депутат Акылбек Жапаровдун буга чейин “Азаттыкка” ачыктаганы боюнча, аталган фракция өкмөттүн эффективдүү эмес чыгымдарын кыскартуу, структурасын кайра карап чыгуу, өкмөттүн программасына "Ар-намыстын" экономикалык программасынын өзөктүү жерлерин кошуу өңдүү талаптарын билдиришүүдө.

Коалициялык көпчүлүктү түзгөн фракциялар бул талаптарга макул болсо, “Ар-намыс” коалицияга кирип калышы мүмкүн. Апрель айынын башында “Ар-намыстын” он депутаты азыркы коалицияга кошулуу ниеттерин билдиришкен. (KKs)

Азаттык Фейсбукта

XS
SM
MD
LG