Линктер

жекшемби, 11-декабрь, 2016 Бишкек убактысы 06:26

Усама бин Ладендин денесин деңизге көмүштү


Усама бин Ладендин өлүгүн Пакистандын телеканалы көрсөттү, 2-май, 2011

Усама бин Ладендин өлүгүн Пакистандын телеканалы көрсөттү, 2-май, 2011

Бул тууралуу АКШнын президентинин администрациясындагы булакка шилтеме менен бир топ жергиликтүү маалымат каражаттары билдиришти. Муну алар өлгөн денени тезирээк көмүү тууралуу шариаттын талабы менен түшүндүрүштү.

“Ал-Кайида” террор уюмунун лидери Усама бин Ладен өлтүрүлгөнү тууралуу өткөн түнү АКШнын президенти Барак Обама жарыялаган эле. Анын айтымында, Америкада 2001-жылдын 11-сентябрындагы террор актыларын уюштурган бин Ладенди 1-майда Пакистанда америкалык аскерлер өлтүрүшкөн. Аскерлер тараптан же жергиликтүү тургундардан операция учурунда эч ким жабыркаган эмес.

Президент Обама муну “Ал-Кайидага” каршы күрөштөгү ири жетишкендик катары баалады. Бирок терроризмге каршы күрөш ушуну менен эле токтоп калбайт, деди.

"Биз дагы бир жолу бышыктап айтып коюшубуз керек – АКШ исламга каршы күрөшүп жаткан жок жана эч качан күрөшпөйт, - деди Обама. - Мен бул тууралуу буга чейин да айткам. Президент Буш да 2001-жылдын 11-сентябрдагы теракттан кийин айткан болчу. Биз исламга каршы согушуп жаткан жокпуз. Бин Ладен мусулман болгон эмес, ал мусулмандарды массалык түрдө кырган. “Ал-Кайида” бизде да, башка өлкөлөрдө да мусулмандарды өлтүргөн. Ошон үчүн бин Ладендин өлүмүн дүйнөдө тынчтыкка жана адамдын ар-намысына ишенген бүтүн адамзат сүйүнүч менен кабыл алышы керек".

Дүйнөдөгү америкалыктарга Усама бин Ладендин өлүмү тууралуу кабардан кийин террористтерден жооп иретинде чабуул болушу мүмкүн экени эскертилди, элчиликтерге этият болууну буйрушту.

Азаттык Фейсбукта

XS
SM
MD
LG